18/12

一早就起左身ar,其實係前一晚冇訓到,所以就一早起左身,跟住就去醫館搵師父,因為要幫仁濟二中表演,點知去到師父總末起身wor~等左半個鐘佢先起身,跟住就去榮發叫外賣,之後就坐車入屯門,玩左2次同樣既野(地獅&高青),玩完之後就坐車出油痲地拎龍入西貢練習,操左3轉龍,之後就學採街青同匯獅,最後就練左2次樁,之後就換衫走人,今日忙到連lunch冇食都唔覺,跟住就去左買m記食,正ar~老豆請ar~返到醫館就幫手佈置醫館,搞掂之後就去左mk食飯

19/12

今日又要返學la~返到去就訓覺訓到放學,放學之後就去左打左陣機,之後就去左醫館集合表演,今日去大會堂表演,開頭就玩珍珠龍,以為咁好可以收工tim~原來總有1part,我要玩獅尾,好彩冇失手咋,玩完就執野走,換完衫就去左榮發食飯.食完之後就返左屋企~

兩日既運動會在寒泠的天氣下結束左la~呢兩日跟本就冇做過野,玩玩下就過左2日la~今日完左後,我地就在影相,之後我同kit就去左深水埔打機,勁正ar~係咁羸ar~之後去食吉野家,食完就去聯合行街,行完就返左屋企la~

之前因為自己懶得打xanga~其間都有好多人叫我去打架,但係我都冇理佢地~但今日終於諗通la~尋晚同kit,tony去左食飯同打機~我地去左衛星呃人地d星,在途中見到阿文,佢話佢份工一個月可以賺到一萬幾ar~令到我地有d心動ar~

因為尋晚好夜先番屋企,而令我好夜先訓ar~所以今日媽咪叫極我都唔醒,但最後都醒左,冇計la,因為尋晚應承左陪佢飲茶,我同媽咪飲完茶之後就去左德福行街,我本黎諗住去睇下今年買咩聖誕禮物俾人,睇到一條手機繩,好鬼靚ar~但最後我想遲d先買~跟住媽咪就送左對波鞋俾我ar~正ar~跟住就陪佢去深水涉買mp3,好鬼笑ar~我見到部好似nano既機ar,最後都係買左好似nano  o個部機ar~跟住就返在屋企la~

細妹,大妹,4妹---你地記住要努力溫書ar~比賽雖然係重要,但學業係更加重要ar~

4妹希望你可以拎到份禮物la~

sorry  ar~細妹咁遲先同你講呢番說話,但你都要努力讀書ar~

其實冇左佢,都唔係咁悶咋ma~因為我總有好多朋友架~我諗我已經開始適應冇左佢而過的日子la~因為呢2日我有好錫我既大妹陪我傾計,真係好多謝你ar~~~阿妹~~~我有你呢個阿妹真係幸福la~haha~希望你唔會怕我煩la~今日個胃終於好番d  la~因為尋日食得太多芥辣ar~今日要測商業ar~希望可以合格la~考完之後我地要補數學ar~補完數之後,我,Kit,tony,邦邦,魚旦,周建濠去左旺角食標記魚旦粉,真係平靚正ar~本來諗住食完去打機架~但係d人話唔去~淨番我,Kit,tony,跟住我地觀塘打機~打完之後,我就同Kit去左apm行街~買左d好好食既壽司ar~行完之後就送去搭車~送完之後,我就自己返左屋~

我有d野想講lor~如果想話人,就要講明d  la~